Every vote counts.
Ini suno kay Senatorible Francis Kiko Pangilinan nga ginbayaw ni Governor Eugenio Jose Lacson upod si anay Governor Rafael Lito Coscolluela Miyerkules sang aga.
Si Pangilinan ang nag courtesy call kay Lacson.
Personal nga gina pasalamatan niya ang pag suporta sa iya sang gobernador kag sa kaupod nga si Bam Aquino, bangud ini ang daku nga bagay labi na nga tuman ka ikit sang lagsanay para sa magic 12.
Naga pati siya nga maka bulig sa iya ang mga Negrense. 6th vote rich province ang Negros Occidental suno sa COMELEC.
Suno kay Pangilinan, indi ma negar nga may mga bumuluto nga naga salig sa ila nga mga lideres ukon local chief executive sa kun sin-o man ang gina tib-ong sini.
Nagtug-an man siya kay Governor Lacson, nga kun mangin mapalaron siya, pagasuportahan sini ang legacy projects sang gobernador.
Kabahin sa iga duso ni Pangilinan ang mas daku nga budget para sa modernization sang agrikultura.
Maayo man ang gina duso nga 20 pesos nga kilo sang bugas karon, pero ini ang panugod lamang.
Mas ma sustain ang mga programa sa agrikultura kun may mas daku nga budget ini nga nagakasayuran sang maayo nga post harvest facilities, equipment, insurance kag iban pa.