40.5 cm and diameter sang Rafflesia speciosa nga bulak ang nakit-an sang grupo sang Mt. Kanlaon Natural Park Ranger nga si Israel Malunes sa bahin sang Barangay Ilijan sa Bago City.
Istorya ni Israel, ila ginakalipay nga sa pihak sang mga aktibidad sang Bulkan Kanlaon kag paghalit sang Bagyo Tino padayon nga nagakabuhi ang ini nga tumalagsahon nga bulak.
Ang Rafflesia speciosa ang isa ka dako nga bulak nga naga lawig lamang sang tatlo tubtob lima ka adlaw. Naga usbong ang baho sini nga daw kasubong sa patay nga sapat nga amo ang naga attract sa mga langaw nga naga serbe nga pollinators.
Isa ini ka parasitic plant nga wala sang dahon, wala sang stem kag gamot. Pebrero tubtob Abril ang peak season sang pagpamulak sini kag naga lab-ot sa siyam ka bulan antes magbuskag ang iya sini nga bulak gani tumalagsahon lang makakita sang amo sini klase nga bulak nga naga bloom pa.
Sang nagligad nga tuig may amo man sini nga bulak nga nakita sanday Israel sa bahin naman sang Mailum sa Bago City sa gihapon.
[sibwp_form id=1]