Pagsapol sa mga alkalde sang Negros Occidental angut sa gina propose nga aerial spraying sang pesticide kontra RSSI ang natalana.
Gina imbitar sang isa ka sugar federation ang mga alkalde sa Negros Occidental sa pagsinapol sa July 10 para talakayon ang aerial spraying sang insecticide para matapna ang pag lapta pa gid sang red-striped soft scale insects sa katubuhan.
Ang Sugar Regulatory Administration sa karon ang naga patigayon sang drone spraying, pero ang UNIFED ang naga duso sang massive aerial spraying nga sarang maka cover sang 50 hectares sa isa lamang ka load.
Ang drone maka spray sang isa ka ektariya lamang kada load.
Ginsiling ni Manuel Lamata, UNIFED president sang Miyerkules nga ila gin agda si Negros Occidental Governor Eugenio Jose Lacson kag ang mga alkalde nga mag pamati sa proposal sang Davao-based group.
Suno kay Lamata ang Davao group ang naga patigayon sang aerial spraying sang systematic chemicals nga indi makahalit sa tawo.
Damlag pa ginsiling ni Lacson nga madamo sang proposal kun paano mapamatukan ang RSSI. Padayon suno sa iya nga tun-an ini sang probinsya. Ang labing importante ang padayon nga pag monitor sang pag lapta sini kag kun diin gid ang kahalitan.
[sibwp_form id=1]