2,130 ka baboy sa 13 ka mga LGU sa Negros Occidental ang gin-report nagkalamatay bangud sang masakit sandig sa latest nga report sang Office of the Provincial Veterinarian.
Ginsiling ni Dr Placeda Lemana, nga ang 2,130 ka mga nagkalamatay nga baboy indi man masiling nga nagkalamatay sa African Swine Fever.
Nalakip naman diri pati na ang mga gin-ihaw kag mga ginbaligya.
Sa datus sang Philippine Statistics Authority ang Negros Occidental may yara sang 329,531 nga hog population. Gani kun ibase sa total hog population, suno kay Dr Lemana, ang mortality 0.65 percent lamang.
Ang probinsya ang padayon nga naga bantay sa mga entry points sini sa puerto man, airport ukon sa kaiping nga probinsya. Wala labot sini suno kay Lemana ang mga banwa kag siudad naga pabaskog man sang ila nga mga border control kag biosecurity measures.
Kasunod sang report nga may nakit-an nga patay nga baboy sa Bago River, naga pahanumdom si Lemana nga magsunod sa protocol para indi na maglapta pa ang masakit.
Damlag pa suno kay Governor Eugenio Jose Lacson, dapat nga sundon ang mga na plastar nga protocol. Indi magkumpiansa suno sa iya.
Nalampuwasan na sadto pa sang probinsya ang una nga pag igo sang ASF.
[sibwp_form id=1]