Plano sang siudad sang Bacolod nga padayunon ang Libre Sakay sa mga commuters samtang mahal ang presyo sang produkto petrolyo.
Ini agud makabulig pahagan-hagan sa palas-anon sang publiko bangud sa nagapadayon nga pagsaka sang presyo sang gatong kag bilang epekto ginapaabot man nga magasaka ang mga presyo sang balaklon.
Ginsiling ni Atty. Mark Mayo, City Administrator, nga ila ini nga iga-assess.
Dugang niya, kon makit-an sa assessment nga madamo ang naga benepisyo sa libre sakay, posible nga padayunon nalang ini, samtang indi pa magbalik sa normal ang presyo sang gatong.
Kaina sang aga, ginsugdan sang siudad ang amo nga programa bilang sabat sa ginpatigayon nga untat byahe sang mga dalagko nga transport groups sa siudad.
13 ka mga salakyan lakip na ang city bus ang naglibot sa siudad agud maghatag sang libre nga sakay sa mga commuters.
Anum ka ruta ang ginlibot sang libre sakay.
[sibwp_form id=1]