Halin sa 47 ka mga entries nationwide, ang community-based tourism initiative sa Lapus-Lapus Macapagao Local Conservation Area ang kabahin sang top four finalists sa Best Practices in Community-based Tourism, Component City para sa ATOP Best Tourism Practices Pearl Awards 2026.
Ang entry nga gin tig-uluhan “A Maze of Wonders, A Lifeline for All: The Lapus-Lapus Community-based Tourism Story,” ang naga pakita sang dedikasyon sang komunidad para sa sustainable tourism, biodiversity conservation kag inclusive economic opportunities para sa mga fisherfolks kag mga residente.
Sa Lapus-lapus, ang mga mangingisda sadto ang sa karon naga panag-iya sang mga floating cottages nga gina kadtuan sang mga turista para manginaon sang sea food. Ining mga naga panag-iya na sang floating cottages ang naga serbe man nga tagpangapin sang lugar. Naga kuha man sila sang inug baligya nila nga mga produkto sang baybayon sa ila isig kapareho nga mga mangingisda sa lugar.
Sarang maka kayak sa baybayon nga napalibutan sang mga mangroves ang mga turista para ma apresyar ang katahum sang balita kag sang baybayon.
Dako ang pagpasalamat sang komunidad sa mga local nga opisyal kag iban pa nga mga organisasyon kag grupo sa suporta nga ginhatag sa ila para mapadayon ang ini nga proyekto.
[sibwp_form id=1]