Basta gani bulan sang Agosto pasulod Setyembre, kun mag sulod ka na sa sini nga barangay naga usbong na ang baho sang marang.
Paano abi kay sa halos kada bangga sang barangay may mga puno sang marang.
Gina siling nga diri mabakal ang pinakabarato nga marang. Ini ang Barangay Colona Divina sa Sagay City sa
Negros Occidental.
Naga dagsa ang marang sa barangay. Kada Sabado sang hapon, naga pila ang mga karo nga may karga nga mga marang halin pa sa nagkalain-lain nga parte sang barangay.
Kadamo sang negosyante nga naga pangompra diri kay dako katama sang bunga nga yari diri sa Colona Divina.
Sa kadamo, ang luto nga marang diri ginapanagtag na lang.
Yara sa tres, lima, pulo kag kinse pesos ang presyohanay sang marang diri depende sa kadakuon.
Ang paglapta sang liso sang marang sa barangay ang kahimuan man kuno sang mga bats nga ari diri.
Gani kada tuig gina celebrate ang Marang Festival sang barangay. May nanari-sari nga aktibidad nga related sa marang.
Kag sini nga tuig ang ika walo na nga Marang Festival nga pagahiwaton sa September 18-19.
Ang tema sang kapistahan, matam-is nga marang… matam-is nga yuhum sang palaabuton.
Kun luyag mo manginaon sang marang, nakahibalo ka na kun diin ka makadto.
[sibwp_form id=1]