Bacolod City mangin host sang Batang Pinoy 2026.
Gin-anunsyo sang Philippines Sports Commission sang Oktubre 30, 2025 nga sa Bacolod patigayunon ang 2026 Batang Pinoy National Championships.
Suno kay Bacolod City Mayor Greg Gasataya isa ini ka national youth sports program– nga gina patigayon kada tuig– para sa mga atleta nga naga edad 15-anyos panubo.
Suno sa alkalde, daku ini nga oportunidad nga makabulig sang ekonomiya sang syudad, ilabi na sa turismo.
Ginpahayag man ni Gasataya nga ginapaabot nga yara sa 24,000 tubtub 30,000 ka mga atleta, coaches kag mga ginikanan nga magakadto sa siudad.
Dugang pa sang alkalde, sa bulan sang Pebrero naman igapatigayon ang Negros Island General Athletic Association Meet, samtang sa Mayo naman ang Sports Expo.
Ang siudad sang Bacolod, upod sa mga pribado nga eskwelahan kag sa probinsya sang Negros Occidental, ang maga-co-host sa National PRISAA Games.*