Walo ka local filmmakers, napilian sa 2025 Bacolod Film Festival.
Magasugod na ang Bacolod Film Festival sa bulan sang Nobyembre, suno kay Secretary to the Mayor Atty Marty Go.
Suno sa iya, iga pa gwa ang mga short films nga parte sang festival sa mga sinihan diri sa siudad sang Bacolod humalin Nobyembre 27 tubtob 29.
Sa sini nga tuig, may yara sang walo ka local filmmakers nga napilian nga nagpasakop sa proyekto nga may tema nga “Panan-aw – Local Frames, Global Change.”
Suno pa kay Go, sa 10 ka nagpa-screening, wall lang ang nakasulod. Ang tagsa ka filmmaker makabaton sang ₱100,000 nga pondo para sa ila short film.
Dugang pa ni Go, sang nagligad nga tuig ₱300,000 ang ginahatag nga pondo, apang subong ₱100,000 na lang kada entry matapos madesisyonan sang komitiba.
Ang mga napilian nga 2025 BFF Grantees ukon mga local film makers amo sanday Roland R. Chavez, Dranreb T. Cimatu, Jiane Nicole D. Flores, Banjo Hinolan, Kir Kizzah C. Hulleza, Kyle Ramas, David Reasol, kag Charlene Mead Tupas.