Nakaangkon sang igo sang bala sa iya natu-o nga pa-a ang 43-anyos nga lalaki matapos magtambag kag matiruhan sang iya upod inom sa Sitio Ubay, Barangay Guinpanaan sa banwa sang Moises Padilla.
Gindala sa Moises Padilla Municipal Health Office ang biktima nga si alyas “Claro”, residente sang Brgy. Guinpanaan, apang siya ang gin-refer sa Isabela District Hospital.
Nadakpan naman ang nanago nga suspek nga ginkilala kay alyas “Reuel”, 40-anyos.
Nakuha sa iya ang isa ka black widow 9mm revolver, nga kargado sang apat ka live ammunition kag isa ka empty cartridge case.
Sa imbestigasyon sang Moises Padilla PNP, nag-gwa nga updanay man lang inom ang suspek kag ang biktima.
Ugaling nag ma-oy si alyas “Joemar” nga abyan sang suspek bangud sang kahulugbon.
Samtang nagatambag ang biktima, nag gabot ang suspek sang pusil kag ginpalupok ini.
Detained karon ang suspek sa Moises Padilla PNP.