Gindeklarar na sang PAGASA sang kahapon nga opisyal na nagsugod ang Amihan season ukon ang pagdapya sang mabugnaw nga hangin sa Pilipinas kag mala nga klima.
Pero paathag sang PAGASA, basta gani Amihan season ginapaabot man nga ang mga bagyo nga naga sulod sa Pilipinas maga igo sa Visayas kag Mindanao.
Ini bangud sang high pressure area nga dala sang Amihan nga amo ang naga duso sang mga bagyo pakadto sa Visayas kag Mindanao.
Ang mga mabaskog nga mga bagyo sa kinanaandan ang naga igo sang Visayas binulan sang Nobyembre kag Disyembre.
Ang Super Bagyo nga Yolanda nag igo sa Eastern Visayas bulan sang Nobyembre kag ang Bagyo Odette nga naghalit sa Southern Negros nag igo naman bulan sang Disyembre.
Samtang wala na sang LPA sa sulod sang PAR pero ang ITCZ naman ang naga dala karon sang ulan sa Visayas.*