Suno sa City Agriculture Office, ang mga artificial reefs ginguyod pakadto sa lawod sa bulig sang mga mananagat kag ginapaabot nga mangin bag-o nga puluy-an sang nag kalain-lain nga klase sang isda.
Isa ini sa mga prayoridad nga proyekto sang Bacolod City Government para sa coastal barangays, agud mapadasig ang produksyon sang isda kag mabuligan ang mga pumuluyo nga naga-depende sa pagpangisda.
Suno kay City Agriculturist Maricar Quiro, indi mahapos ang pag deploy sang mga artificial reefs bangud sa kabug-aton sini kag sa kinahanglanon sang husto nga koordinasyon sa mga apektado nga sektor.
Ginsiling man ni Quiro, nga isa sa mga gin-atubang nila nga kabudlayan amo ang indi manami nga tiyempo samtang ginapatigayon ang deployment.
Ginsugdan sang siudad ang amo nga proyekto sadtong Hulyo 25, kun sa diin target nga ma-deploy ang kabug-usan nga 400 ka mga artificial reefs sa nagkalain-lain nga baybayon.
[sibwp_form id=1]