Liwat naman nga nag patigayon sang aerial survey ang Office of the Civil Defense sa bulkan Kanlaon.
Samtang, Governor Eugenio Jose Lacson ang naga panawagan man sa private sector nga mag hatag sang bulig sa mga banwa kag siudad nga apektado sang paglupok sang bulkan.
Kaina sang aga liwat nga nag patuman sang aerial survey ang OCD sa pag panguna ni Assistant Secretary Bernardo Rafaelito Alejandro IV.
Natabunan sang madamol nga panganod ang baba sang bulkan suno sa OCD.
Kasunod man sang gina paabot nga mabunok nga ulan sa Visayas Region base sa warning sang PAGASA nagapaandam ang otoridad sa potentional lahar flow gikan sa Kanlaon.
Naga paandam si Raul Fernandez, ang pamuno sang Task Force Kanlaon sa publiko labi na sa mga apektado sang pag lupok sang bulkan nga mag bantay kag mangin alerto man sa kondisyon sang panahon.
Samtang, nahangpan naman ni Governor Lacson ang panawagan sang mga LGU nga may mga evacuees.
Nagahulat ang tanan suno kay Lacson sang bulig sang national government kaangay sang DSWD nga padayon mag padala sang food packs, pero naga hinyo ang gobernador sa private sector nga mag hatag sang ano man nga bulig sa LGU nga luyag nila mabuligan.
Pwede sila maka direkta pakig angut sa LGU ukon ipaagi sa Provincial Government ang mahatag nga bulig.
May mga katapo naman sang civil society kag NGO ang nag padala sang bulig suno sa iya.
“ We hope to continue to provide water. There’s also a request for LPG I think for evacuation kitchen for cooking. And the basics, sanitary kit, sleeping kits. Yes, I’m calling the private sector if they would like to donate, anything that will help the living conditions of our evacuees”, suno sa gobernador.