Karon nga padayon ang pagsaka sang Covid-19 cases gobernador ang naga panugyan sa mga Negrense nga proteksyonan ang kaugalingon.
2,043 ang active cases sang Negros Occidental kag may siyam ka bag-o nga Covid related deaths sandig sa September 14 nga report sang Provincial Incident Management Team.
Suno kay Governor Eugenio Jose Lacson, naga pati siya nga sa dalagan sang sitwasyon subong malampusan pa ang damlag pinaka mataas nga na record sa kadamuon sang kaso sang Covid – 19 sa probinsya. Lubos man ang iya nga pagpati nga dala na ini sang delta variant. Ang mga ospital puno na.
Sini lamang gin-covert sang probinsya ang ospital sa Himamaylan bilang Covid designated hospital sa tunga sang pagdamo sang pasyente sang Covid 19. Indi na maglayo ang sitwasyon sa Metro Manila suno sa iya.
Gani nagapanawagan ang gobernador sa mga Negrense nga magpatuman sang mga tikang nga ma proteksyonan ang kaugalingon. Kun naka schedule na sa bakuna, dapat magpabakuna na.