Shadow

Lockdown sa mga puluy-an sang Delta positive gin-lift na

Walo sa siyam ka mga dugang nga kaso sang Covid-19 Delta variant ang nag-negatibo na sa virus matapos magpaidalom liwat sa RT-PCR test.

Gani ginlift na sang Emergency Operation Center ang lockdown sa ila tagsa ka mga puluy-an.

Nalakip sa dugang nga mga kaso sang Covid-19 Delta variant ang 57 anyos nga lalaki nga taga Barangay Mandalagan nga nalatnan sang Covid- 19 Delta variant.

Tatlo pa sa iya mga kaupod sa puluy-an ang nagpositibo man sa Covid-19 Delta variant. Matapos mag-gwa nga negatibo na sa virus ang sang ila RT-PCR test, gilayon man nga ginlift ang lockdown sa ila puluy-an suno kay Dr. Chris Sorongon, deputy for medical data and analysis sang Bacolod Emergency Operation Center.

Nalakip sa mga nalatnan sang Delta variant ang 62 anyos nga babaye, isa ka 29 anyos nga lalaki kag 6 ka tuig nga bata nga babaye nga lunsay kaupod sa puluy-an sang napatay nga 57 anyos nga lalaki.

Samtang, gin lift man ang lockdown sa balay tatlo pa ka mga kaso sang Delta variant sa Bacolod. Ini sang magnegatibo man ang resulta sang RT-PCR test sang 42 anyos nga male nurse sa City Health Office, 35 anyos nga BPO nurse kag isa ka 65 anyos nga babaye nga taga Barangay Villamonte.

Ginlift man ang lockdown sa puluy-an sang 58 anyos nga driver sa Barangay Alijis sang mag negatibo ang resulta sang iya RT-PCR test.

Kabahin siya sa 21 na tanan ka mga nalatnan sang Covid-19 Delta variant sa Bacolod.

Secured By miniOrangeSecured By miniOrange