Shadow

Gikan sa pagbaligya sang puto, bibingka kag bitso-bitso, isa ka negosyante may kaugalingon na nga cafe sa Talisay City

YouTube player

Pinaagi sa mga kakanin nga puto kag bibingka nabuhi sang ila nga mga ginikanan sanday Angelie Cabrera ukon mas kilala nga Dedi kag ang napulo niya ka mga utod. Halos singkwenta na ka tuig ini nga negosyo sang iya nga iloy.

Gani napasa man ini sa ila. Diri sila sa merkado sang Talisay City naga pwesto. Ang bitso-bitso nga ginsuguran sang iya nga utod ang sang ulihi ang iya pa gid nga gin panamit.

Nakilala man ang Talisay City bangud sang manamit nga bitso-bitso nga mabakal diri.

Parehos sa tanan nga mga negosyo may mga pagtilaw man sila nga inagyan. Ang ila nga pwesto sa gwa sang merkado nga amo gid ang naga buhi sa ila, ang gin demolish bangud sang clearing operation.

Ginsaylo sila sa sulod sang market. Gani halos napatay ang ila nga negosyo kay indi na sila matultolan sang ila nga mga suki.

Pero ang pagsirado sang sini nga puertahan nangin alagyan sa pagbukas pa gid sang panibag-o nga oportunidad. Nag level up ang Dedi.

Halin sa merkado, nag patukod siya sang cafe sa kilid lang sang public plaza sang Talisay kun sa diin may kakanin man sa gihapon nga gina serve pero mas ginpa level up man ang sabor.

Bibingka with salted egg, puto bungbong with cheese kag ang moist nga bitso bitso ang kilala diri. may iban na sila nga mga produkto nga gina tanyag.

Suno kay Angelie, ang pagtuo, pagkatutom kag pag innovate ang mga sekreto sa pag uswag sang iya nga negosyo…

Bangud sa nakuha niya ang abilidad sa pagluto sa iya nga iloy, karon amat amat man ini nga gina pasa ni Dedi sa iya nga anak para mapadayon nila ang nasuguran nga legasiya sang ila nga lola.

Secured By miniOrangeSecured By miniOrange