Shadow

Gasataya maga pamuno sang transition team, kapin sa 500 ka traffic enforcers sang Bacolod padayon nga naga duty

Ginpanginwala ni Bacolod Traffic Authority Office spokesperson Dennis Perma nga wala na nag balik duty ang mga traffic enforcers sa dalanon sang Bacolod.

Suno sa iya all accounted kag present para mag trabaho sa dalanon sang siudad ang masobra kinyentos ka mga enforcers.

Paathag niya nga kun wala man sang nakit an nga enforcer pagkaligad sang adlaw sang pinili ay, ina bangud madamo sa ila ang nagpahuyaw kag iban gin masakit matapos man magserbe sa adlaw sang pinili ay.

Ang BTAO ang may 483 ka mga job order casuals.

Sa iya proclamation nagpasalig nsi mayor elect Albee Benitez nga wala siya sang kakason nga job order kun nagatrabaho man lang sila.

Si Benitez ang nagporma na sang Interim Transition Team nga pamunuan ni re-elected Congressman Greg Gasataya nga amo ang magabalay sang tikang sang panibag-o nga administrasyon sa idalom sang Asenso Bacolod.

Walo sa mga kaalyado ni Benitez ang naka sulod sa konseho kag apat gikan sa Grupo Progreso.

Si Vice Mayor El Cid Familiaran nga amo ang nag daug sa pagka bise alkalde ang katapo man sang Grupo Progreso.

Suno kay Benitez nagkitaay sila sa adlaw sang proclamation kag ipaiway niya na ang pulitika kay tapos na ang piniliay, ang kaayuhan lang para sa Bacolod ang ila nga pagatutukan.

Secured By miniOrangeSecured By miniOrange