Shadow

Full road closure sa North Capitol Road gin-patuman na para sa Bacoloadiat Festival

Full road closure sa North Capitol road ginpatuman para sa natalana nga Bacolaodiat Festival.

Ginsuguran na ang pag-install sang stage kag mga tents sa North Capitol Road para sa natalana nga pagsaulog sang Bacolaodiat Festival sa Enero 31 asta Pebrero 2.

Gani humalin sang Domingo, ginpasirad-an na sang Bacolod Traffic Authority Office ang dalan.

Ginsiling ni BTAO deputy Jose Antonio Robello, ginkinahanglan hilway ang dalan nga magaserbe festival site para mapaiway ang possible disgrasya.

Sa Enero 28, magasugod naman ang pag-set-up sang mga tents sa kilid sang 13th-Lacson Street asta sa 15th street.

Tungod sang igapatuman nga road closure, plano sang BTAO nga himuon nga one-way ang dalan Aguinaldo kag Gatuslao sa pagsugod sang tuigan nga okasyon.

Ang Aguinaldo Street ang italana para sa mga depasahero nga salakyan nga nagabyahe pa-north kag ang Gatuslao Street naman ang para sa mga nagabyahe pa sur.

Secured By miniOrangeSecured By miniOrange