Wala na sang isa ka bulan nga extension para sa mga vendors sa Manokan Country sa Bacolod.
Ini suno sa kay Councilor Celia Flor, ang pamuno sang Committee on Markets and Slaughterhouses.
Suno sa konsehal, wala nag kumporme si Mayor Albee Benitez nga i-extend pa gid ang ang ila pagtinir sa daan nga structure tubtob sa Pebrero 28.
Makapila naman kuno abe ka beses na extend ang pagtinir sang vendors sa old building sang Manokan.
Dugang pa niya, buas suguran na sang SM City ang pagbutang sang mga boards ukon kudal sa area. Hikuton naman sang siudad ang pagbutang sang tent sa porsyon sang Ferrero Street, ang dalan sa tunga sang Manokan kag SM City.
Ini bilang extension sang ila nga kalan-an magluwas sa area nga ginhimo sang SM para sa ila.
Para indi matam-an, samtang naga padayon ang transfer sa temporary site sang SM, pasugtan sila sa gihapon magpadayon sa pagbaligya sa ila nga mga pwesto.
Tagaan man sila sang tig P20,000 sang siudad para sa pagpahimo ang roll-up doors sa ila tagsa ka mga pwesto.