Padayon ang pagsaka sang Covid-19 cases sa Negros Occidental.
Sa Domingo nga report, halos 200 ang bag-o nga mga kaso.
Pati mga frontliners karon ang apektado man.
Sa January 16 nga report sang Provincial Incident Management Team, 198 ang new cases gikan sa 26 ka mga local government unit.
Suno kay Negros Occidental Governor Eugenio Jose lacson kun lantawon ang datus ini ang mahimo local transmission na.
Bisan gani ang mga frontliners apektado na.
Nag sira temporaryo ang OB-Gyne OPD sang Teresita Lopez Jalandoni Provincial Hospital kasunod sang pagpostibo sang pito ka mga frontliners.
Sa kabilugan 21 ang naka quarantine suno kay Dr Mary Ann Maestral matapos ma expose sa mga pasyente kag watcher nga nagpositibo sa virus.
Suno sa gobernador kuntani omicron variant lang bangud namutikan nga mas madasig ang pag-ayo kag indi tuman ka peligroso ukon milder.
Kun ginaduso man nga kakason na lamang ang negative RT PCR test result nga requirement sa mga gikan sa Iloilo bangud pareho man lamang nga alert level 3 sa Bacolod kag Negros Occidental suno kay Lacson panindugan niya nga mas maayo na lang nga mag patuman sang tikang nga mapangapinan ang mga pumuluyo sa probinsya.
Samtang, ginaduso naman ni provincial consultant Albee Benitez ang pagpadamo sang contact tracers kasubong man ang pag test agudto ma proteksyonan ang pumuluyo kag malikawan ang lock down.