Paathag sang contractor, wala pa ma upgrade ang power supply nga gintakod sa fountain, rason nga delikado pa ini gamiton. Wala pa man suno sa ila na finalize ang mga technicalities sang fountain.
Dugang nila, bangud ginapaabot man nga mag dagsa ang tawo sa BCGC sa highlights, gin pakamaayo nga indi anay ini pag-gamiton agud malikawan ang insidente sang pag kakuryente.
Una na nga ginpahayag ni Bacolod City Mayor Greg Gasataya nga indi makasarang ang existing nga power supply sang BCGC para mapaandar ang fountain, rason nga gindugangan sang TIEZA sang masobra 16 million pesos ang una nga pondo para ma upgrade ang power supply sa fountain.
Apisar sini, magapadayon sa gihapon ang mga aktibidad sa BCGC sa mga nabilin nga adlaw sang MassKara Festival.
January 27, 2027, ang target nga date sang Amigo Entertainment Technologies Inc, agud mahuman ang redevelopment sang Bacolod City Public Plaza mag BCGC Fountain.
328 million pesos ang pondo nga gintalana sang TIEZA para sa amo nga mga proyekto.
[sibwp_form id=1]