Ginsuguran na ang roll out sang P171 million nga balor sang rice assistance para sa halos 126,000 ka mga pamilya sa Negros Occidental.
Sa Bawat Bayan Makikinabang Program Rice Distribution, tig 10 ka kilo sang bugas ang gina hatag sa mga identified nga low-income household sa idalom sang Families Food Assistance Rice Distribution Project.
Tuyo sini nga mabuligan sa ila nga mga kagastuhanan sa pag kaon ang mga low-income families kag mahatagan man sang suporta ang mga ginakabig vulnerable households.
May 125,753 tanan ka pamilya ang benepisyaryo sang rice assistance sa 19 ka mga banwa kag 12 ka mga siudad sa probinsya sa idalom sang Local Government Support Fund–Financial Assistance ukon LGSF-FA sang gobyerno national.
Sadto pang Lunes Oktubre 12 nag sugod ang rice distribution sa mga barangay sa Murcia kag Candoni, kasunod ang mga barangay sa Pontevedra kag Don Salvador Benedicto kag La Carlota City.
Ginsiling ni Provincial Administrator Atty Rayfrando P. Diaz II, ang gobyerno probinsyal ang maga padayon sa pag avail sang national government assistance programs kag maga pasiguro sang naga kaigo nga pag patuman sini para tigayon nga mahatag ang suporta sa mga Negrense beneficiaries.
Ang provincial government ang nag pakig-angut sa mga local officials kag Municipal Social Welfare and Development Offices padulong sa mga cluster barangays para matigayon ang masulhay nga pag panagtag sang rice assistance sa mga qualified beneficiaries.
[sibwp_form id=1]