Shadow

Flights yara na sa 90% capacity, pag improve sa airport gina plano

Bacolod DRRMO photo

Humalin sang nagsugod ang daily nga flights sang Cebu Pacific Air kag Philippine Airlines, wala naga nubo sa 90 percent ang loading ukon ang sakay sa kada trip.

Ini suno kay Provincial Administrator Rayfrando Diaz nga nagsiling man nga naga average sa 200 ang naga abot nga mga pasahero sa kada trip. Ginpakamaayo na sang probinsya nga handaan ang gina paabot pagdagsa sang mga pasahero ilabi na nga nagahilapit na ang Disyembre kag ang holidays.

Tungod nga wala na sang swabbing sa airport gin pull out na ang personnel sang PHO kag gin-assign sa vaccination teams. Luyag man ipasiguro sang probinsya nga mangin masulhay ang pag abot sang mga pasahero kag may napahamtang na lamang nga mga scanner para sa verification sang SPass.

Sa pag pakigsapol nanday Diaz sa tagdumalahan sang airport isa sa mga ginpadangat sa ila nga atensyon amo ang wala naga function nga escalator sa aiport nga tinguhaan naman sang probinsya nga mabuligan sa pagpakaayo.

Samtang, padayon pa ang pag plastar sang iban pa gid nga detalye suno kay Diaz bahin sa pagbalik sang cross border trips sa Negros Oriental.

Leave a Reply

Your email address will not be published. Required fields are marked *

Secured By miniOrangeSecured By miniOrange