First Lady Liza Marcos kag apat ka mga senador magatambong sa MassKarade Ball.
Lima ka mga estudyante mangin benepisyaryo sang fund-raising event.
Magabaton sang P100,000 nga scholarship grant ang lima ka mga ginakabig Supercity Scholars halin sa mga sectoral group nga napili mangin benepisyaryo sang MassKarade Ball 2023.
Ang fund-raising event sang Bacolod Yuhum Foundation Incorporated sa Sugarland Hotel ang pagatambungan ni First Lady Liza Marcos.
Yara man sanday Senator Francis Tolentino, Cynthia Villar, Lito Lapid kag Risa Hontiveros. Kaina sang aga, ginpangunahan man ni Hontiveros ang pag turn-over sang P5M day care center project upod sa Rotary Club of Metro Bacolod kag Manila Bay sa Barangay 1 sa Bacolod.
Kaupod sa seremonya si Mayor Albee Benitez, Rotary Club International District Governor Mate Espina kag mga barangay officials. Bilang pagpasalamat isa ka pasundayag ang halad sang mga day care students para sa ila.