May stage na sa sulod sang Paglaum Sports Complex para sa Arena Dance Competition sa MassKara Festival 2023. Sa tunga sang stage kag sang grandstand maga peform ang mga MassKara dancers.
Masako na ang pagplastar sang mga suga kag sound system.
Gin announce sang Bacolod Yuhum Foundation Incorporated nga 4,500 tickets lang ang ila nga gin-print para sa seguridad man kag safety sang mga tumalan-aw.
Gina abisuhan ang iban nga luyag maka saksi live sang performance nga sa karsada magbantay sa performers nga maga labay naman sa Araneta Street pakadto sa Paglaum.
Sarang man malantaw ang live performance sa Facebook Page sang Bacolod Yuhum Foundation Inc.