Probinsya sang Negros Occidental ang maga sugod sa madason nga semana panagtag sang 90 milyones pesos nga financial assistance gikan sa National Housing Authority para sa mga apektado sang bagyo Odette.
Padayon ang pag-release sang bulig kag kaina sang aga, nag baton sang corrugated GI sheets, food packs kag banana seedlings ang mga apektado sang bagyo Odette sa banwa sang Cauayan.
Sa pagpamuno ni Negros Occidental Governor Eugenio Jose Lacson, malapit sa 4 mil ka pumuluyo ang nakabaton sang bulig gikan sa gobyerno probinsya.
Sa karon suno kay Mayor John Rey Tabujara, 75 tubtob 80 percent sa banwa ang tigayon nabalik ang kuryente.
Naka release naman ang LGU sang financial assistance gikan sa kaugalingon nga pondo kag ang sa Bureau of Treasury.
Suno kay Governor Lacson karon nga may memorandum of agreement na sa NHA, maga release na pondo sa mga wala pa nakabaton sang financial assistance.
Kun may mga reklamo man nga wala nakabaton naga base lamang sila sa listahan nga gina hatag sang LGU suno kay Lacson. sa pagsulundan, 5,000 pesos ang iga-release kag mangin priority suno kay Lacson ang may totally destoyed nga puluy-an nga wala pa may nabaton nga financial assistance.