Shadow

Lalaki nga may pusil nagpamahog sa kalan-an, natabuan man nga may mga pulis gani gin aresto

Arestado ang 24 anyos nga si Jonnie Camasora matapos ini gin reklamo sang tenant sa isa ka kalan-an sa dalan Lacson sa Bacolod sang iya ini gin pahog gamit ang iya sini nga armas.

Sa imbestigasyon sang PNP, nagbaisay si Camasora kag ang tag reklamo kag iya ini gin pahog.

Gilayon man nakapangayo sang bulig ang tagreklamo sa mga katapo sang PNP Anti-Kidnapping Group nga nagakaon sa kalan-an sang amo man nga tion.

Sang ila gin patigayon ang frisking kay Camasora, didto na nakuha ang isa ka 22 revolver nga pusil kag apat ka sachet sang suspected shabu.

Detained karon sa Police Station 2 ang suspek kag kaso nga paglapas sa RA9165 kag Comelec gun ban violation ang iya atubangon.

Secured By miniOrangeSecured By miniOrange