Patay ang 51 anyos nga si Manolo Porre nga isa ka farm manager sa Hacienda Dalayapan, Barangay Caduhaan sa siudad sang Cadiz matapos tiruhon sang mga armado nga persona sang kahapon.
Sa imbestigasyon sang Cadiz PNP, nagasakay lang sa iya nga motorsiklo ang biktima padulong sa Hacienda Dalayapan kag sang mag lab-ot sa katubuhan, gilayon na lang siya ginluthang sang mga armado sang makapila ka beses nga nag resulta sa iya kamatayon.
16 tanan ka mga bala ang na recover sa crime scene.
Gina hibalo pa sang PNP kun ano ang motibo sang mga armado sa pag patay sa farm manager kag kun sin-o ang yara sa likod sa pag patay sa iya.