Evaluation sa kaso sang na-suspend nga pamuno sang Department of Public Services kag truck driver nagapadayon sa ila pagbalik sa serbisyo.
Nag-report na sa trabaho sanday DPS-OIC Ramel Palalon kag ang truck driver nga si Darwin Gardones makaligad ginaidalom sa 60-day preventive suspension.
Sila ang ginpasakaan sang kaso angut sa gross neglect of duty kag grave misconduct may kaangtanan sa pagpatughong sadto sang kapin P53,000 nga balor sang krudo sa bulldozer nga gubaon kag wala na ginagamit sang siudad sa landfill sa Barangay Felisa.
Suno kay City Legal Officer Romeo Carlos Ting, Jr., sila ang nagahulat na lamang sang documentary evidence halin sanday Palalon samtang nagapadayon ang pag-usisa sang kaso batuk sa ila.
Humalin sang Lunes ginpatuman ang evaluation sa ila nga kaso.
Madasun nga iga-submit sang hearing officer kay Mayor Albee Benitez ang rekomendasyon sa ila nga kaso.