Kapulisan may nasampolan na sa mga nagapamahog sa mga eskwelahan.
Ginkumpirmar ni Police Regional Office Negros Island Region Director PBGen. Rudencindo Reales nga ila na natumod ang estudyante nga nag palapta sang pag pamahog sa isa ka eskwelahan sa Victorias City sang Lunes nga adlaw.
Suno sa iya, gin-recommend na nila sa eskwelahan nga i-suspend ang amo nga estudyante. Sandig sa iya nga post, balusan niya ang mga nag bully sa iya.
Sang gina-imbestigahan na sang kapulisan, nahibaluan man nga ang picture nga nagalapta sa mga messenger gikan sa iya, isa lamang ka toy gun.
Natumod sang kapulisan ang identity sang bata bangud sa impormasyon nga ila nakuha sa iya mga classmates kag tupad balay.
Gilayon man nga gin turn-over sa Department of Social Welfare and Development ang kaso sang bata.
Padayon man nga gina locate sang Regional Anti-Cybercrime Unit ang iban pagid nga mga pagpamahog sa rehiyon.
Sa rekord naman sang Bacolod City Police Office, may 14 na ka mga threats lakip ang 12 ka school threats ang na report sa siudad kag wala pa sang bisan isa nga natumod sa likod sang mga pag pamahog.
[sibwp_form id=1]