Murcia Vice Mayor Johnny Reosura nagsiling nga plano niya nga mag papili bilang Mayor sa 2028. Iya man ginsiling nga tuyo naman nga mag papili bilang board member sang Third District ni Mayor Gerry Rojas nga karon yara na sa iya nga third term.
Sa interview sang Digicast Negros kay Reosura sang Martes, iya ginpahayag nga naka sugilanon na siya sa iya nga kumpanya kag sa iya pamilya sa iya nga plano para sa 2028 kag sila ang naga ugyon.
Mangin Vice Mayor niya si Councilor Carlito “Kedy” Yu, Jr., May napulo na siya sa iya nga listahan para sa Sangguniang Bayan kag kinahanglan niya pa ini nga buhinan.
Luyag niya nga ma eksperiensyahan sang mga taga Murcia ang progreso kag pag tin-ad nga kabahin sang ila nga mga panan-awon para sa banwa.
Damlag pa, gin pahayag ni Board Member Andrew Montelibano nga yara na man karon sa iya nga ikatlo nga termino nga plano niya mag balik sa Murcia bilang Mayor sa 2028 nga piniliay. Antes mangin board member si Montelibano ang nag serbe na sa Murcia bilang Mayor sa tatlo man ka termino.
[sibwp_form id=1]