Pending sa karon ang application para sa Environmental Compliance Certificate para sa ipatuman nga clearing operation sang Ibid Creek sa La Castellana.
Ini suno kay Vicente Losbañes ang regional director sang Environmental Management Bureau Negros Island Region.
May mga dugang lang nga requirements nga kinahanglan I-comply para tigayon na ma release ang ECC.
Paathag ni Losbañes may yara na sang clearance gikan sa national office sang Department of Environment and Natural Resources para diri.
Ginahulat na lang ang clearance gikan sa Mines and Geosciences Bureau lakip na ang volume assessment para sa volcanic debris nga ipa gwa gikan sa Ibid Creek sa Barangay BiaknaBato nga sakop na sang strict protected zone.
Maga issue man sang clearance ang Protected Area Management Board.
Gina buligan nga mapadasig ang compliance kag proseso suno kay Losbañes para mahawanan naman ang creek gikan sa volcanic debris nga nag supon diri kag sa iban pa gid nga waterways.
Kada mag ulan, isa sa gina kahangaw-an sang mga yara sa palibot amo ang pag baha ukon pag overflow sang tubig sa ila nga mga lugar.
Gina anod ang mga volcanic debris paidalom sa kada mag ulan rason nga naga supon ang mga waterways.
“Actually gina buligan naton subong, ginapabuligan naton sila sa mga requirements para ma fast track para mapa dasig ini ang pag giho. Para maka proceed na sila. Kinahanglan naton padasigan tungod sang volume didto sa area naga damo nga naga damo para ma prevent naton ang floodings kag overflowing sa barangays didto,” suno kay Losbañes.
[sibwp_form id=1]