Shadow

EOC may paandam para sa mga Christmas party

YouTube player

Tradisyun na ang mga pagtililipon kada bulan sang paskwa.

Pero bangud sang nagapabilin nga Covid-19 pandemic dugang pa ang kahangawa nga dala sang omicron variant,nagapanugyan si Em Ang, executive director sang Emergency Operations center nga kun mahimu outdoor ang himuon nga pagtipon-tipon kag dapat fully vaccinated lang ang sarang makatambong.

Paandam naman sang pamuno sang Liga nga mga Barangay sa Bacolod nga si Punong Barangay Lady Gles Gonzales-Pallen kun mahimu hagan-hagan lang sa party-party kag ipasiguro ang pagpatuman sa minimum health protocol agud mapaiway ang paglapta sang virus.

Ginpangabay naman ni Gonzales-Pallen sa mga katapo sang barangay tanod upod sa task force disiplina ang strikto nga pagpatuman sang curfew agud mapaiway ang paglambiyong ilabi na sang mga kabataan nga magapangaroling kun gab-i.

Sa idalom sang ginpalawig nga alert level 2 status, wala na ginadumilian bisan ang mga kabataan nga mag gwa sa ila puluy-an. Pero ginahaylo sang katapo sang emergency operations center ang mga ginikanan nga kun mahimu indi na pagtugutan ang mga magagmay nga kabataan nga mag gwa kun indi man lang ginakinahanglan.

Ginapabaskog man sang EOC ang pediatric vaccination program agud mas mapangapinan ang mga naga edad 12-17 year old batuk sa epekto sang virus.

Secured By miniOrangeSecured By miniOrange