8.52 billion pesos ang proposed budget sang probinsya sang Negros Occidental para sa 2027. Ini ang na submit na sang Martes sa Sangguniang Panlalawigan para sa deliberation.
11.81 percent ukon P900.09 million nga mas mataas ang 2027 proposed budget sang sa 2026 budget.
Tuyo sini nga mas mapabakod pa gid ang delivery sang essential services kag ma pa uswag pa gid ang mga priority programs sa patag sang health, agriculture, infrastructure, economic development, education kag human development sa idalom sang Abanse Negrense Priority Development Agenda.
P8.203 billion sa proposed budget ang para sa General Fund proper kag P315.55 million para sa Economic Enterprise Development Department nga isa ka special account sa idalom sang General Fund. Suma total, P8.519 billion ang proposed budget.
Sakop sa mga programa sa proposed 2027 budget ang sa idalom sang seven-point agenda sang probinsya.
Ginsiling ni Governor Eugenio Jose Lacson nga kinahanglan ang paglatag sang mga klaro nga prayoridad kag ang pag manage sang mga available nga resources sa tunga sang naga damo man nga government responsibilities kag kinahanglanon sang mga Negrense.
[sibwp_form id=1]