Gina kwesyon sang mga environmental groups ang pag-operate sang cell number 4 sang sanitary landfill sa Barangay Felisa sa Bacolod City apesar nga wala pa ini sang environmental compliance certificate ukon ECC.
Gin-ako man mismo ni Councilor Homer Bais, pamuno sang Committee on Environment sang Hwebes, sa ginpatigayon nga committe hearing nga on process pa ang ECC.
Pagklaro sang konsehal, pag pungko sang bag-o nga administration, naga-operate na ang amo nga cell bisan wala pa sang ECC.
Napasa naman sang siudad ang tanan nga requirements, apang wala pa maggwa ang opisyal nga ECC.
Ginpasiguro sang konsehal nga ila na ini ginahikot, kag amo man ang ECC para sa pagbukas sang cell number 5.
Samtang, yara na sa 1,500 tubtob 2,000 cubic meters ang koleksyon sang basura sa siudad.
Sandig sa kontrata sang siudad kag sang ISWIMS, yara lamang sa masobra 800 cubic meters ang ginkasugtan nga kolektahon.
Suno sa ISWIMS, nagadamo na ang basura sa siudad, ilabi na sang nagbukas na ang klase.
Ginklaro man sang konsehal nga sandig sa RA 9003, residual waste lamang ang dapat ihaboy sa landfill apang sa karun, mix garbage ang paghaboy sang ISWIMS.
Ginahaylo sang komitiba ang ISWIMS nga aksyonan ang reklamo sang Barangay Felisa may angut sa gina-alegar naga-alingasaw nga baho sang landfill.
[sibwp_form id=1]