P10,000 nga assistance para sa mga small sugarcane farmers nga severely affected sang peste nga RSSI ang gina paabot sini nga bulan sang Hulyo.
Ini suno kay Department of Social Welfare and Development Director Arwin Razo nga nagsapol kay Governor Eugenio Jose Lacson Hwebes sang aga.
Suno kay Razo base sa instruction ni DSWD Sec Rex Gatchalian sa iya, sila ang naga collaborate sa gobyerno probinsyal bahin sa ila nga pag hatag sang assistance sa mga apektado nga mangunguma.
Sa karon sila ang naga tipon sang datus gikan sa mga LGU, Department of Agriculture kag sa Sugar Regulatory Administration kag bisan pa sa RSSI Provincial Task Force para mapat-od kun sin-o ang hatagan.
Suno kay Razo ini sa idalom sang emergency cash transfer matapos nga mag deklara sang State of Calamity ang probinsya bangud sang RSSI infestation.
Target nila nga matigayon ang pilot testing sang distribution sini mismo nga bulan sang Hulyo.
[sibwp_form id=1]