Patay ang 4 ka tuig nga bata matapos malapakan sang pang-unahan nga goma sang Ceres bus nga ila ginsakyan sa national highway sang Sitio Sta. Anna Reles sa Barangay Mabini, Escalante City, mga la-1:30 sang hapon, Miyerkules, Hulyo 22.
Naggwa sa imbestigasyon nga bitbit sang konduktor ang bata nga lalaki papanaog sa pang-unahan nga pwertahan sang bus, samtang ang iloy sini ang nag-una panaog agud kuhaon ang ila mga bagahe.
Ginsiling ni Police Lt. Col. Florendo Fajardo, hepe sang Escalante PNP nga wala madeparahan sang konduktor nga nagkadto ang bata sa natu-o nga side sang bus, malapit sa goma.
Ang bus ang yara sa shoulder sang dalan kag pabalik pawala sa highway sang nalapakan ang bata. Wala makita sang driver ang menor de edad.
Nagbiyahe halin Victorias City padulong Cadiz City ang nasambit nga bus.
[sibwp_form id=1]