Municipal Crab Industry Task Force ang gin tukod sa banwa sang EB Magalona para mag tutok sa mga pag panghangkat nga naga apekto karon sa industriya.
Sa Executive Order 33 nga gin pa gwa ni Mayor Matthew Louis Malacon nakasaad nga siya ang maga pungko bilang chairperson kag vice chairperson naman si Vice Mayor Marvin Malacon. Focal person naman ang Municipal Agriculturist sang banwa nga si Efren Garcia, Jr.
Gina kilala ang EB Magalona bilang “Blue Crab Capital” sang Negros Occidental kun sa diin ang crab industry ang gina kabig isa sa major economic drivers kag palangabuhian sang mga fisherfolks, traders kag crab pickers sa siyam ka mga coastal barangay.
Ang pag patuman sang export ban sang United States National Marine Fisheries Service sa idalom sang Marine Mammal Protection Act ang nagdula sang primary international market sang banwa.
Ini ang nag resulta sang disruption sa market, pag sarurot sang demand, pag barato sang presyo kag pagkadula sang palangitan-an sang mga nagasalig sa industriya.
Suno sa EO kinahanglan sang banwa nga mag patuman sang mga tikang para mapahagan-hagan ang economic impact nga natuga sang amo nga export ban.
Kinahanglan man nga mapabakod sang competitiveness sang local crab industry.
Gani pila sa mga function sang TF amo nga maga serbe nga primary coordinating kag advisory body sang banwa. Ini man ang maga formulate kag maga recommend sang policies, strategies kag programs kag maga pakig-angut sa national government agencies kag provincial government kag sa iban pa gid nga stakeholder sa pag pasiguro sang isa ka coordinated kag effective response.
[sibwp_form id=1]