Executive Assistant to the Governor ang ginpapanaugan sang show cause order bangud sang unauthorized withdrawal kag repair sang pila ka mga office furniture.
Tubtob sa Lunes ang pag submit ni Francis Velez, Executive Assistant IV sang iya sabat matapos nga ginpapanaugan siya sang show cause order bangud sang iya nga pagtugot sa unauthorized nga pag- withdraw sang pila ka mga sofa kag pulungkuan sa talatapan sang media center kag Governor’s Office para ipakaayo.
Ini suno kay acting Provincial Administrator Alberto Nellas, Jr., ang ginalantaw pagsupak sa Government Procurement Reform Act bangud sang kapaslawan ni Velez sa pagsunod sa procurement process.
Ang purchase request para diri nga naga balor sang 129,200 ang na issue ni Velez sang mahuman na mismo ang repair sa mga furniture.
Wala labot diri kun basehan ang current market value ang 129,200 pesos nga repair sa apat ka mga long sofa, duha ka magagmay nga sofa, dose ka visitor’s chair kag apat ka executive chair ang mahal.
Suno kay Nellas indi magabayad ang probinsya sa amo nga transaction.
“Why is that so. Why is there no bidding nga nag undertake ka sang repairs. Also overpriced. It could be may violation sa RA 9184 ang aton Procurement Law. And also it may be a violation of the Anti Graft and Corrupt Practices Act. Show cause level pa man lang ni. However, medyo unique ni ang kay Francis because he’s a political appointee so he operates under the trust and confidence of the governor. So if wala na trust and confidence then we don’t have to go through the regular administrative process”, suno kay Nellas.
Gintinguhaan nga makuhaan sang iya na bahin si Velez pero iya ginpakamaayo nga indi anay maghatag sang pahayag.
Samtang, Provincial Sports Coordinator ang ginkakas sa pwesto kag ginhatagan sang lain nga designation.
Indefinite leave sa karon si Executive Assistant IV, Anthony Carlos Agustin nga sadto naga pungko bilang Provincial Sports Coordinator.
Paathag ni Nellas, ginkakas si Agustin bilang Sports Coordinator kag tigaylo gin-designate ni Governor Eugenio Jose Lacson bilang Liaison Officer sang probinsya para sa Bacolod.
Wala sang ginatudlo nga rason si Nellas, magluwas nga ini ang isa ka personnel movement nga yara sa discretion sang gobernador.
Si Lacson naman sa karon ang in-charge sa sports suno kay Nellas.