Shadow

Dumaguete City wala na naga require mag quarantine magsulod sa ila siudad

Ginkumpirma snag City Inter Agency Task Force sang siudad sang Dumaguete nga bukas na nga mag baton ang siudad sa mga returning residents, APOR, LSI, OFW ukon bisan pa sa mga turista kag sila ang indi na kinahanglan pa nga ipaidalom sa quarantine sa pag abot sang siudad.

Negative RT-PCR test nga valid within 72 hours amo na lang ang pangayuon sang siudad antes mag kadto sa Dumaguete kag ila ini ipa submit online agud makahatag sang acceptance certificate ang siudad.

Ginmando naman sang siudad sa mga barangay ang pag monitor sa mga maabot sa siudad kun may mga magka sintomas sang COVID-19.

Sa pinaka ulihi nga data sa City Health Office sang Dumaguete, 13 ka barangay sa siudad ang wala na sang kaso sang COVID-19 kag 9 na lang amo karon ang actives cases sa siudad.

Samtang sa bug-os nga Negros Oriental, may 43 man ka new recoveries nga na record ang probinsya kag 20 ka bag-o nga kaso sang COVID-19.

Yara karon sa 120 ang active cases sa Negros Oriental.

Ang Negros Occidental ang may 9 naman ka bag-o nga kaso sang COVID-19 kagapon kag tatlo naman ang sa Bacolod City.

Leave a Reply

Your email address will not be published. Required fields are marked *

Secured By miniOrangeSecured By miniOrange