Shadow

PHO: Negros Occidental apektado sa pagdamo sang kaso sang COVID-19 sa Metro Manila

Capitol photo

May pagsaka karon sa kaso sang COVID-19 sa Negros Occidental.

As of March 7, 116 ang active COVID-19 case sang probinsya, 70 naman ang sa Bacolod.

Suno kay Provincial Health Officer Dr Ernell Tumimbang ang Negros Occidental apektado man sa pagsaka sang kaso sang COVID-19 sa Metro Manila kag kaiping nga lugar kasubong sang Cebu.

Ang mga bag-o nga kaso sang COVID-19 mga stranded individual kag wala na sang problema sa local transmission suno kay Tumimbang.

Ginkumpirmar naman ni Negros Occidental Governor Eugenio Jose Lacson ang pagsaka sang kaso.

Iya ginsiling nga sadto nagpanaog na ini sa 60 ka active COVID-19 cases.

Naga panindugan si Lacson nga dapat padayon nga ipatuman ang pag swab sa mga naga abot sa airport kag puerto.

Kun ipatuman gid ang Resolution 101 sang National Inter-Agency Task Force suno kay Lacson ma pwersa siya mag lakip sa executive order ang paag hinyo sang negative RT-PCR test sa mga maga abot sa probinsya.

Sa Resolution 101 ukon ang uniform travel protocol indi na kinahanglan ang RT-PCR test magluwas na lamang kun ini ang hinyuon sang LGU nga gina padulungan.

Leave a Reply

Your email address will not be published. Required fields are marked *

Secured By miniOrangeSecured By miniOrange