Nakuryente ang duha ka mga linemen sang Negros Occidental Electric Cooperative sa Barangay Poblacion, banwa sang Pontevedra, Negros Occidental, mga las singko, Martes sang hapon.
Ginsiling ni Police Captain Darryl Kuhutan, hepe sang Pontevedra Police Station, nakuryente ang duha ka mga linemen samtang nagakay-o sang linya sang kuryente sa ibabaw sang poste. Naga-ulan man sadto nga tion.
Gindala sa Bacolod Doctor’s Hospital ang mga biktima para sa nagakaigo nga atensyon medical.
Samtang, Martes sang aga naka-eksperyensya sang brownout ang bahin sang Pontevedra matapos nasunog ang live wire sa kilid sang national highway sa Crossing San Miguel sa nasambit nga banwa.