Sa Agosto 16 tubtob 22 nga semana sini nga tuig, duha ka bata nga babaye sa Bacolod City ang napatay bangud sa dengue.
Sa record sang Bacolod City Health Office, Agosto 19, ginabawian sang kabuhi ang isa 5 anyos nga bata nga taga Barangay Granada bangud sa acute respiratory failure nga ginapatihan resulta sang dengue.
Sang Agosto 21, na-report man sang CHO ang isa ka kaso sa Barangay Mansilingan kun sa diin napatay man ang apat ka tuig nga bata nga bangud sa dengue.
Una na nga gin-report sang CHO ang pinakauna nga kaso sang pagkapatay bangud sa dengue sang Hulyo 5, kun sa diin 8 anyos nga bata sa Barangay Villamonte ang biktima. Sa karun, tatlo na ang napatay bangud sa amo nga masakit samtang may 448 naman ka kaso ang na record sang CHO.
May pinakamadamo nga kaso sang Dengue sini nga tuig amo ang Barangay Mansilingan, Handumanan, Estefania, Singcang-Airport, kag Banago.
Apisar sini, may pagnubo nga 40.6 percent sa kaso sang dengue sini nga tuig kun ikumpara sang tinalikdan nga tuig nga may 754 cases kag 5 deaths.
Nagpahanumdom si Dr. Grace Tan, pamuno sang CHO Environmental and Sanitation Division nga ipabilin ang katinlo sang palibot kag iula ang mga stagnant water agud malikawan nga mangin breeding ground ini sang mga lamok.
“It is more than having to do.. yes we can do fogging and spraying pero shempre ga add pagid na sang poor air quality kay we release smoke. So paano ta mamanage ang intervion nga both dapat matinguhaan gid sang aton mga pumuloyo nga kwaon gid ang vreeding place both sa sulod kag gwa sang aton panimalay”, suno kay Tan.
[sibwp_form id=1]