Patay sanday Judy Ann Rapana, driver sang motor, 21-anyos kag ang angkas sini nga si Angel Clarito, 20-anyos lunsay mga taga siudad sang Sagay matapos makabunggo sa center island ang ila nga motor nga ginasakyan sa Brgy. Cabahug siudad sang Cadiz Domingo sang hapon.
Suno sa kay Police Captain Gina Fernandez ang Deputy Chief of Police sang Cadiz City PNP, gikan sa Sagay ang mga biktima kag padulong ini sa syudad sang Cadiz para mamista.
Dugang pa ni Fernandez bangud madasig ang pagpadalagan sang motor, sang nakabunggo ini sa center island, nalampos sa salsalon nga poste ang motor kabangdanan sa pagtabog sang mga biktima.
Dead on the spot si Rapana samtang dead on arrival naman sa ospital si Clarito.
Nagaguwa sa imbestigasyon sang kapulisan nga self inflicted ang nagluntad nga aksidente.