May nagalibot nga petisyon sa pila ka mga kabarangayan angut sa reklamo sa serbisyo sang Baciwa-Primewater sa Bacolod.
Pero siling ni Mayor Albee Benitez daw indi na ini kinahanglan matapos na-istoryahan sa iya ginpatawag nga water summit ang pag-construct sang dugang nga infrastructure project nga sarang mapun-an ang malapit 20 million liters a day nga kulang nga supply sang tubig sa siudad.
Sa Biyernes natalana ang pirmahanay sa tunga sang mga bulk water supplier kag Baciwa-Primewater upod man sa Bacolod LGU agud mapasiguro nga matigayon ang supply sang dugang nga tubig sa sulod sang tatlo tubtob anum ka bulan.
15MLD ang maggikan sa injection point 2 sang Bacolod Bulk water Incorporated kag 5MLD sang spring water halin sa Alangilan ang ginapaabot makahatag solusyon sa problema sa water supply sa siudad.