Padayon pa nga ginapangita sang kapulisan ang ulo sang isa ka lalaki nga nasapwan sa katubuhan sang Purok Buntod, Barangay Poblacion 2, Sagay City kahapon sang aga.
Ang biktima ang ginkilala kay Joel Lacao-lacao alias “Karang”, 30 anyos, isa ka mangunguma kag residente sang amo man nga lugar.
Ulihi nga nakita si Karang sang Sabdo sang gab-i sa isa ka baylehan apang pagka Lunes, nasapwan nalang ang lawas sini sa katubuhan.
Gilayon man gindala sa punerarya ang lawas sang biktima samtang padayon naman ang pag pangita sang otoridad sa iya sini nga ulo.
Tubtob karon, wala pa sang suspek ang kapulisan ukon witness nga makatudlo sa kun sin-o ang nag ubra sang brutal nga krimen.