Sa pagsinapol sang mga alkalde sang Biyernes kay Presidente Ferdinand Marcos Jr., nangin klaro nga ginakulang ang mga Kanlaon affected local government units sang pondo.
Suno kay Governor Eugenio Jose Lacson, mismo ang presidente ang nag siling ukon ang nag-suggest sang pag fund sang quick response fund.
Gin-suggest man ni Canlaon City Mayor Jose Chubasco Cardenas ang pag panagtag sang AICS ukon ang assistance to individuals in crisis situation sa mga apektado sa kada bulan.
Suno kay Lacson isa man ini sa mga posibilidad.
“Mayor Volcano before, it took them 6 mos. It took them 6 mos to sustain. Definitely we cannot afford that, the president is aware of that and that is a possibility that more funds can be given to Negros Occidental to address the issue of Mt Kanlaon”, suno kay Lacson.
Samtang, nagdangat na sa 40 million pesos ang na pa gwa nga pondo sang probinsya bilang bulig sa mga apektado sang bulkan Kanlaon.
Suno kay Governor Lacson ini humalin sang paglupok sang bulkan Kanlaon sang Disyembre.
Karon nga nalagdaan na man sang Malacanang ang deed of donation para sa 50 million pesos nga pondo nga damlag gin-release sa probinsya sarang naman ini magamit suno kay Lacson.
Kun kasubong lamang ang kadamuon sang evacuees ang 50 million sarang magamit sa sulod sang duha ka bulan.
Pero kun magsaka sa Alert Level 4, mahimo nga ang 50 million pesos magamit lamang sa duha ka semana suno sa gobernador.