Dugang nga buhin sa presyo sang kuryente ginapaabot.
Kapin sa P1.80 per kilowatt hour ang ginapaabot nga iganubo sa presyo sang bili sang kuryente sini nga Hunyo matapos gin-aprobahan sang Energy Regulatory Commission ang kontrata sang CENECO kag EDC bahin sa power supply agreement para sa dugang nga 20 megawatt nga power supply.
Pero ginalauman ni Mayor Albee Benitez nga magalab-ot para sa kapin P3 ang ibuhin sa presyo sang kuryente sa madasun nga binulan dungan sa pagnubo sang ginasukot nga generation charges, ilabi na sa bahin sang spot market.
Nanawagan na ang alkalde sa katapo sang kongreso nga ma-usisa ang masami pagsaka sang presyo sa wholesale electricity spot market ilabi na kun magsaka ang demand.
Magluwas sa ginahinyo nga price cap sa presyo sang kuryente, ginapaabot ni Benitez nga may yara sang buffer stock nga supply sang dugang nga kuryente nga sarang magamit sa tion sang kalamidad ukon may yara sang pagsaka sa bili sang kuryente.