Ginalauman nga sini nga semana matigayon na ang cloud seeding operation. Nagkuha man sang pila ka negatibo nga reaksyon ang amo nga plano, pero labing gina abi-abi ini sang mga planters.
Suno kay Negros Occidental Governor Eugenio Jose Lacson, nahuman na ang procurement sang Bureau of Soils and Water Management kag naga coordinate na sa karon sa CAAP.
Suno kay Lacson, madamo sa mga planters ang luyag nga mag patuman sang cloud seeding bangud kun ang natural rains ang hulaton indi pa tuman ang pag tupa sini.
Gina abi-abi ang ulan labi na sa mga rain fed areas ukon ang yadtong wala sang irigasyon.
Gani paagi sa cloud seeding ma induce ukon sarang nga maka tupa ang dugang pa gid nga ulan.
P6M ang budget sang Department of Agriculture para sa cloud seeding operation sa bilog nga Western Visayas.
“Again we’re doing this to induce more rain, which many of our farmers welcome. So, I just would like to inform the public why we are still considering cloud seeding operation”, suno kay Lacson.
Ginsiling man sang Office of the Provincial Agriculturist nga ang ulan ang makabulig kag kinahanglan karon nga maga sugod na ang planting season. As of May 24, P340.7 M ang balor sang kahalitan sa palay, mais kag high value crops sa probinsya.