Sa masobra 8,000 ka mga senior citizen beneficiaries sang Bacolod LGU, may masobra na sa 7,000 ang nakabaton sang tig-P500 kada bulan nga social pension halin sa siudad.
Pero luyag ni Mayor Albee Benitez nga madugangan pa ang kadamuon sang benepisyaryo amo nga ginaduso karon sang siudad nga madugang ang 20,000 pa ka mga benepisyaryo sa bulig man sang Department of Social Welfare and Development.
Ginpahayag ni Councilor Celia Flor, Chairperson sang Committee on Senior Citizens sang konseho, ang Bacolod ang may pinakadiutay nga senior citizens beneficiaries nga nagbaton sang social pension halin sa National Government.
Malapit lang sa 6,000 ka mga senior citizens ang nagabaton sang social pension halin sa DSWD.
Gani nakigsapol na si Mayor Benitez kay DSWD Secretary Rex Gatchalian sa tuyo nga maaprobahan ang dugang nga benepisyaryo sang social pension program.